ખેડા જિલ્લાના રાજ પટેલ નામના નાગરિકે વડાપ્રધાન નરેન્દ્ર મોદીને ખુલ્લો પાત્ર પાઠવીને કરી ફરિયાદ

| Updated: April 18, 2022 9:19 pm

ખેડા જિલ્લાના વસા તાલુકાના અલીન્દ્રા ગામના નાગરિક એવા રાજ પટેલે નરેન્દ્ર મોદીને ખુલ્લો પત્ર પાઠવીને નરેગાના કૌભાંડીઓને સજા ન કરતા તંત્રની ફરીયાદ કરી છે. પત્ર પાઠવતા રાજ પટેલે લખ્યું છે કે હું અરજદાર રાજ પટેલ ( બબ્બર ) આ ખુલ્લો પત્ર લખી ખેડા જિલ્લામાં ચાલી રહેલા લોલમલોલ તંત્રની ફરીયાદ કરવા આવી રહ્યો છુ. અરજદારે પત્રમાં વડાપ્રધાનને રૂબરૂ મળવાની પણ વાત કરી છે. અરજદારે લખ્યું છે કે મારો આ પત્ર વડાપ્રધાન સુધી પહોંચાડવામાં મને મદદ કરશો તેવી અપેક્ષા. આગળ તે લખે છે કે મારી વડાપ્રધાનને એવી રજૂઆત રહેશે કે આપ ભ્રષ્ટાચારના ખૂબ મોટા વિરોધી છો . દેશમાં ભ્રષ્ટાચાર આપે સંપૂર્ણપણે નાબૂદ કર્યો છે. પરંતુ 1 ટકા ભ્રષ્ટાચાર ખેડા જિલ્લામાં ચાલી રહ્યો છે. આ સંદર્ભે આપનું ધ્યાન દોરવુ છે .

અરજદાર લખે છે કે, હું ખેડા જિલ્લાના વસો તાલુકાના અલિન્દ્રા ગામે રહુ છુ , જ્યાં અગાઉના સસ્પેન્ડેડ સરપંચ રજની પટેલ દ્વારા અને તાલુકા પંચાયતના કર્મચારીઓ ( સાગર કાછીયા – APO , દિનેશ માલિવાડ – ગ્રામ રોજગાર સેવક ) દ્વારા ભેગા મળી આપની મનપસંદ યોજના અને ગ્રામ્ય વિસ્તારના લોકોની જીવાદોરી સમાન નરેગા યોજનામાં લાખો રૂપિયાનો ભ્રષ્ટાચાર કર્યો હતો . જેની લાંબી લડત , અખબારી અહેવાલો અને રજૂઆતો બાદ ત્રણેય લોકો સસ્પેન્ડ થયા હતા . સસ્પેન્ડ કર્યા બાદ તેમની પાસેથી ભ્રષ્ટાચાર કરેલા લાખો રૂપિયાની રીકવરી કરવાની થાય છે . તો આ રીકવરી કરવા માટે તંત્રએ આરોપીઓ સામે ફરીયાદ દાખલ કરાવવાની હોય છે . આ ફરીયાદ દાખલ કરવામાં તંત્ર લાચાર બની ગયુ છે . રાજકીય દબાણથી ફરીયાદ ન થતી હોવાનું સ્પષ્ટ દેખાતુ હોવાથી હવે અમો આપ સાહેબ સમક્ષ ગુહાર લગાવી અને તાત્કાલિક ધોરણે ફરીયાદ દાખલ કરી રીકવરી કરવા માટે આદેશ આપશો તેવી અમને અપેક્ષા છે

Your email address will not be published.