એપલ ભારતમાં iPhone 13 નું પણ કરશે ઉત્પાદન

| Updated: April 12, 2022 6:03 pm

ટેક ટાઇટન એપલે ભારતમાં iPhone 13 નું ઉત્પાદન શરૂ કર્યું છે, જે મેન્યુફેક્ચરિંગ પાવરહાઉસ તરીકે ઉભરી આવવાના ભારતના વિઝનને પ્રોત્સાહન આપે છે. આ ફ્લેગશિપ પ્રોડક્ટ એપલના કોન્ટ્રાક્ટ મેન્યુફેક્ચરિંગ પાર્ટનર ફોક્સકોનની ફેસિલિટી ખાતે બનાવવામાં આવી રહી છે, જે ચેન્નાઈ નજીક છે, એમ સૂત્રોએ જણાવ્યું હતું.

Apple દ્વારા એક નિવેદનમાં કહેવામાં આવ્યું છે કે, “અમે iPhone 13 બનાવવાની શરૂઆત કરવા માટે ઉત્સાહિત છીએ – તેની સુંદર ડિઝાઇન, અદભૂત ફોટા અને વીડિયો માટે અદ્યતન કૅમેરા સિસ્ટમ્સ અને A15 બાયોનિક ચિપના અવિશ્વસનીય પ્રદર્શન સાથે – આ બધું અમારા સ્થાનિક ગ્રાહકો માટે અહીં ભારતમાં જ છે.”

ઉલ્લેખનીય છે કે Appleએ ભારતમાં iPhone SE સાથે 2017માં iPhones બનાવવાની શરૂઆત કરી હતી. તે હાલમાં iPhone 11, iPhone 12 અને હવે, iPhone 13 સહિત દેશમાં તેના કેટલાક સૌથી અદ્યતન iPhones બનાવે છે.

ફ્લેગશિપ iPhone 13 એ અદ્યતન 5G અનુભવને પેક કરે છે, A15 બાયોનિક ચિપ સાથે સુપર-ફાસ્ટ પર્ફોર્મન્સ અને પાવર કાર્યક્ષમતા, લોંગ બેટરી લાઈફ અને ઉચ્ચ ટકાઉપણું સાથે ફ્લેટ-એજ ડિઝાઇન પ્રદાન કરે છે.

iPhone 13 ભારતના ગ્રાહકો માટે યુ.એસ. સાથે એકસાથે અન્ય બજારોમાં ઉપલબ્ધ હતું – જે દેશ માટે પ્રથમ છે. ભારતમાં Appleનો લાંબો ઈતિહાસ છે, જે 20 વર્ષ પહેલા શરૂ થયો હતો. એપલે સપ્ટેમ્બર 2020માં તેનો ઓનલાઈન સ્ટોર લોન્ચ કર્યો હતો અને એપલ સ્ટોરના આગામી લોન્ચ સાથે દેશ પ્રત્યેની તેની પ્રતિબદ્ધતાને આગળ વધારવા માટે તૈયાર છે.

Your email address will not be published.