કેટરીના કૈફે શેર કરી તેના હનીમુનની થ્રોબેક તસવીરો

| Updated: January 24, 2022 5:33 pm

અભિનેત્રી કેટરીના કૈફે ગયા વર્ષે અભિનેતા વિકી કૌશલ સાથે લગ્ન કર્યા હતા. સોમવારે કેટરીનાએ થ્રોબેક તસવીરો શેર કરીને માલદીવ્સમાં તેના હનીમૂનની ઝલક શેર કરી હતી.

ફોટા શેર કરતા, કેટરીનાએ લખ્યું, “#myhappyplace.” ફોટામાં, કેટરિના ઘેરા લીલા અને સફેદ બીચવેરના કપડા પહેરેલી જોવા મળી હતી અને તે કેમેરાથી દૂર જોઈને હસતી હતી.

એક ચાહકે આ તસવીર પર કોમેન્ટ કરી, “હનીમૂન કી તસવીરો મેં વિકી પાજી કહાં હૈ? સાથ કી તસવીરો ડાલિયેના (કૃપા કરીને વિકી સાથે તસવીરો મુકો). જ્યારે બીજાએ તેને “લાખોના હૃદયની રાણી” કહી.

લગભગ બે વર્ષ સુધી રિલેશનશિપમાં રહ્યા પછી, વિકી અને કેટરિનાએ 9 ડિસેમ્બરે રાજસ્થાનના સિક્સ સેન્સ ફોર્ટ બરવાડા ખાતે એક આત્મીય સમારોહમાં લગ્ન કર્યા. આ લગ્નમાં માલવિકા મોહનન, નેહા ધૂપિયા, અંગદ બેદી, કબીર ખાન, મિની માથુર, ગુરદાસ માન જેવી હસ્તીઓ સહિત 120 મહેમાનોએ હાજરી આપી હતી.

તેમના લગ્ન પછી, વિકી અને કેટરીના ટૂંકા હનીમૂન માટે માલદીવ્સ ગયા હતા અને થોડા દિવસોમાં મુંબઈ પરત ફર્યા હતા. ત્યારબાદ અભિનેત્રી અનુષ્કા શર્મા અને વિરાટ કોહલીની બાજુમાં આવેલા તેમના નવા ઘરમાં ગયા પછી બંનેએ ટૂંક સમયમાં કામ શરૂ કર્યું હતું.

Your email address will not be published.