અમરાઇવાડીમાં ધર્મના મામાએ 7 વર્ષની ભાણીને પોર્ન વીડિયો બતાવી દુષ્કર્મ આચર્યું

| Updated: May 10, 2022 9:03 pm

અમરાઈવાડીમાં સાત વર્ષની સગીરા સાથે તેના ધર્મના મામાએ જ પોર્ન વિડીયો બતાવી દુષ્કર્મ આચર્યું હોવાની ઘટના સામે આવી છે. સગીરાની વારંવાર મામા છેડતી કરતા અને પોર્ન વીડિયો બતાવી પરેશાન કરતા હતા. સગીરાએ માતા પિતાને જાણ કરી હતી. આ અંગે અમરાઇવાડી પોલીસે પોક્સો હેઠળ ગુનો નોધી તપાસ હાથ ધરી છે.

મુળ મહારાષ્ટ્રના અને હાલ શહેરના અમરાઈવાડી વિસ્તારમાં મહિલા તેના પતિ અને ત્રણ બાળકો સાથે રહે છે. પતિ-પત્ની બન્ને છૂટક મજૂરી કરી પરિવારનું ગુજરાન ચલાવે છે. મહિલાએ ઘર નજીક રહેતા દિપક પ્રજાપતિ નામના શખ્સને ભાઇ બનાવ્યો હતો. દિપક અવારનવાર ઘરે આવતો અને પરિવારને મળતો હતો. દિપક વારંવાર ઘરે આવતો હોવાથી ઘરમાં ક્યારે કોણ બહાર જાય છે તેની ખબર રહેતી હતી અને પરિવારના બાળકો પણ મામા તેને કહેતા હતા.

દરમિયાનમાં મહિલા અને તેનો પતિ મજૂરી કરવા માટે બહાર ગયા હતા. આ દરમિયાન મામા દિપક ઘરે આવ્યો હતો. ઘરે 7 વર્ષની સગીરા એકલી હતી. માસુમ બાળકી મામા કહીને દિપક સાથે વોત કરવા લાગી હતી. પરંતુ એકલતાનો ફાયદો લઇ તેણે અડપલા કર્યા હતા. બાદમાં તેને પોર્ન વીડિયો બતાવ્યો હતો. આમ વીડિયો બતાવી સગીરા પર દુષ્કર્મ આચર્યું હતુ.

આ અંગે પરિવાર કે કોઇને જાણ કરીશ તો તને અને તારા પરિવારને હેરાન કરી નાખીશ તેવી ધમકી આપી મામા દિપક જતો રહ્યો હતો. સગીરા ડરી ગઇ હતી અને ઘરમાં ગભરાયેલી રહેતી હોવાથી તેની માતાએ પુછપરછ કરી સમગ્ર હકિકત જાણી હતી. આ અંગે અમરાઇવાડી પોલીસે ગુનો નોધી તપાસ હાથ ધરી હતી. પોલીસે આરોપી દિપકની ધરપકડ કરી વધુ તપાસ હાથ ધરી છે.

Your email address will not be published.