છ બાળકોની માતા પ્રેમી સાથે ભાગી, મળવાનું હતું 15 લાખનું વળતર

| Updated: April 15, 2022 5:44 pm

મધ્યપ્રદેશના વિદિશામાંથી એક ચોંકાવનારો કિસ્સો સામે આવ્યો છે. જ્યાં 6 બાળકોની માતા એક યુવકના પ્રેમમાં પડી હતી અને બાળકોને છોડીને પ્રેમી સાથે ભાગી ગઈ હતી. કહેવામાં આવી રહ્યું છે કે મહિલાના પતિનું મૃત્યુ થઈ ગયું છે અને તે પોતાના માસૂમ બાળકો સાથે એકલી રહેતી હતી.

આ મામલો વિદિશાના શમશાબાદના બડેર ગામનો છે. બાળકોને રડતા-રડતા મૂકીને 30 વર્ષીય મહિલા તેના પ્રેમી સાથે ભાગી ગઈ હતી. બાળકોના માથા પરથી પિતાનો પડછાયો પહેલેથી જ ઊઠી ગયો હતો. આવી સ્થિતિમાં હવે માસુમ બાળકો સામે મોટું સંકટ ઊભું થયું છે. મહિલાને પાંચ છોકરીઓ અને એક છોકરો છે. મહિલાના ગુમ થયાની પોલીસમાં ફરિયાદ નોંધાવવામાં આવી છે.

મહિલાની ભાભીએ પોલીસને તેની ભાભીના બેંક ખાતા ફ્રીઝ કરવાની માંગ કરી છે. ભાભીનું કહેવું છે કે તેના ભાઈનું પાણીની ટાંકી પરથી પડીને મૃત્યુ થયું હતું. તેને 15 લાખ રૂપિયાનું વળતર મળવાનું છે. તેની ભાભી તેના 6 બાળકોને છોડીને પડોશમાં રહેતા યુવક સાથે ભાગી ગઈ છે. એટલા માટે અમે ઈચ્છીએ છીએ કે તેની ભાભીને વળતરના પૈસા ન મળે.

Your email address will not be published.