રિલાયન્સ રિટેલે Dunzoમાં 25.8% ભાગીદારી ખરીદી, 200 મિલિયનનું કરશે રોકાણ

| Updated: January 6, 2022 10:00 pm

રિલાયન્સ રિટેલે ક્વિક કોમર્સ ફર્મ Dunzo માં 200 મિલિયન ડોલરનું રોકાણ કર્યું છે. બેંગલુરુ સ્થિત આ સ્ટાર્ટ અપમાં નિવેશ સાથે રિલાયન્સની 25.8% ભાગીદારી ખરીદી હશે. DUNZO એ આ કુલ અત્યાર સુધીમાં 240 મિલિયન ડોલરનું ફંડિંગ મેળવ્યું છે. આ રાઉન્ડની ફંડિંગમાં રિલાયન્સ રીટેલ સાથે હાલના નિવેશક લાઈટબોક્સ ,લાઈટરોક, 3એસ કેપિટલ એન્ડ અલ્ટેરીયા કેપિટલ પણ જોડાયું હતું.

અબજોપતિ મુકેશ અંબાણીની માલિકીની રિલાયન્સ ઇન્ડસ્ટ્રીઝે જણાવ્યું હતું કે તેની છૂટક શાખાએ બેંગલુરુ સ્થિત ડુન્ઝોમાં $240 મિલિયન ફંડિંગ રાઉન્ડનું નેતૃત્વ કર્યું છે જે કરિયાણા અને દવાઓની વીજળીની ઝડપી ડિલિવરી આપે છે અને દસ્તાવેજો અને અન્ય વસ્તુઓ લેવા અને મૂકવાની ઓફર પણ કરે છે.

રિલાયન્સ રિટેલ વેન્ચર્સ લિમિટેડના ડિરેક્ટર ઈશા અંબાણીએ જણાવ્યું હતું કે, “અમારા વેપારીઓને તેમની વૃદ્ધિને ટેકો આપવા માટે ડંઝોના હાઇપરલોકલ ડિલિવરી નેટવર્કની ઍક્સેસ મળશે સાથે જ ભાગીદારી તેમને ઑનલાઇન સેવાઓ તરફના વપરાશની પેટર્નમાં પરિવર્તનનો લાભ લેવામાં મદદ કરશે.

રિલાયન્સ રિટેલે પોતાના એક નિવેદનમાં કહ્યું કે આ પૂંજીનો ઉપયોગ Dunzoને દેશના સૌથી મોટા ક્વિક કોમર્સ બિઝનેસ બનવાના દ્રષ્ટિકોણને આગળ વધારવા માટે કરવામાં આવશે. જેમાં માઇક્રો-વેયરહાઉસેસના નેટવર્કથી આવશ્યક વસ્તુઓની તાત્કાલિક ડિલીવરી કરાઇ શકાશે. Dunzo ભારતના વિભિન્ન શહેરોમાં સ્થાનીય વેપારીઓ માટે લોજિસ્ટિક્સને સક્ષમ કરવા માટે બિઝનેસ ટૂ બિઝનેસ વર્ટિકલને પણ વિસ્તાર આપશે.

ભારતમાં સાત મેટ્રો સિટીમાં ઉપલબ્ધ Dunzo પહેલાથી જ ક્વિક કોમર્સ કેટેગરીમાં માર્કેટ લીડર તરીકે પોતાને સ્થાપિત કરી ચૂક્યૂ છે. લેટેસ્ટ કેપિટલ ઈફ્યુશન સાથે આ પ્લેટફોર્મનું લક્ષ્ય 15 શહેરો સુધી પહોંચવાનું છે.

આ ફંડિંગ ઉપરાંત Dunzo અને રિલાયન્સ રિટેઈલ ચોક્કસ બિઝનેસ ભાગીદારીમાં પણ પ્રવેશ કરશે. Dunzo જીઓ માર્ટના મર્ચન્ટ નેટવર્ક માટે છેક સુધીની ડિલિવરીની સુવિધા પણ આપશે. Dunzo હાઇપરલોકલ ક્વિક કોમર્સ કંપની છે, જે કુરિયર, ઈ-કોમર્સ અને વેપારી લોજિસ્ટિક્સમાં વ્યવહારોની સુવિધા માટે વેપારીઓ, ભાગીદારો અને યુઝર્સને જોડે છે.

Your email address will not be published.