રાજકોટ શહેરમાં લગ્ન પ્રસંગમાં પોલીસનું સરપ્રાઈઝ ચેકિંગ, બે લગ્નોમાં ગુનો નોંધાયો

| Updated: January 22, 2022 7:08 pm

રાજયમાં કોરોના વાયરસના કેસોમાં સતત વધારો જોવા મળી રહ્યો છે. વધી રહેલા કેસને લઈ સરકારે લગ્નમાં ફક્ત 150 લોકોને જ પરવાનગી આપી છે અને લગ્ન પહેલા જે તે પોલીસ સ્ટેશનમાં મંજૂરી માટે રજીસ્ટ્રેશન કરાવવું પણ ફરજિયાત છે. ત્યારે રાજકોટમાં પોલીસ દ્વારા શહેરમાં ચાલી રહેલા તમામ લગ્નોમાં સિવિલ ડ્રેસમાં સરપ્રાઈઝ ચેકિંગ હાથ ધર્યું હતું. જેમાં બે સ્થળો પર કોરોનાના નિયમોનો ભંગ દેખાતા ગુનોં દાખલ કરવામાં આવ્યો હતો.

આ પણ વાંચો: કોરોના ટેસ્ટમાં લોકો થયા જાગૃત: એક દિવસમાં રોજની એક હજાર કીટ વેચાતી હવે 15 હજાર વેચાય છે

કોરોના સંક્રમણ ન ફેલાય તે માટે સરકાર દ્વારા લોકોને સાવચેતી રાખવા અને ગાઈડલાઈનનું પાલન કરવા માટેની સૂચના આપવામાં આવી હતી. ત્યારે સરકારે નવી ગાઈડલાઈનમાં લગ્નમાં ફક્ત 150 લોકોને જ પરવાનગી આપી છે. જેમાં કોરોના ગાઈડલાઈનનું પાલન કરવું ફરજિયાત છે. ત્યારે આજે રાજકોટમાં પોલીસ દ્વારા સરપ્રાઈઝ ચેકિંગ હાથ ધરવામાં આવ્યું હતું. પોલીસ ટીમો ખાનગી ડ્રેસમાં અલગ અલગ સ્‍થળોએ ચાલી રહેલા લગ્નમાં પહોંચી હતી. જેમાં બી-ડિવીઝન વિસ્‍તારમાં 12 જેટલા સ્‍થળો, માલવીયામાં 4, પ્ર.નગરમાં 14, તાલુકાં 15, થોરાળામાં-1, ગાંધીગ્રામમાં 12 અને યુનિવર્સિટી પો. સ્ટે. વિસ્‍તારમાં યોજાયેલા 12 લગ્નસ્‍થળોનું ચેકીંગ કરવામાં આવ્‍યું હતું. તેમજ લોકોને નિયમોનું પાલન કરવા અપીલ કરી હતી. સાથે લોકોને રજિસ્ટ્રેશનની જરૂરી જાણકારી આપવામાં આવી હતી. અને નિયમ ભંગ કરવા બદલ કાયદેસરની કાર્યવાહી કરવામાં આવનાર હોવાની ચેતવણી પણ અપાઈ છે.

રાજકોટમાં હાલ રાત્રિ કર્ફયુના સમય અગાઉ જાહેર કરેલ ગાઈડલાઈન પ્રમાણે જ રાખવામાં આવ્યું છે. રાજકોટ શહેર પોલીસ કમિશ્નર મનોજ અગ્રવાલે કોરોનાના વધી રહેલા કેસને લઈ જાહેરનામુ આપ્‍યું છે. જેમાં તેઓએ શહેરના તમામ પોલીસ અધિકારીઓને રાત્રિ કફર્યૂનું કડક પાલના કરાવવા માટેની સૂચના આપવામાં આવી છે.

આ પણ વાંચો: બનાસકાંઠાની સરકારી હોસ્પિટલોમાં વહેલી સવારથી દર્દીઓની લાઇન, કોરોના વિસ્ફોટની શકયતા

તમને જણાવી દઈએ કે, ગત રાજયમાં છેલ્લા 24 કલાકમાં 21,225 લોકો પોઝિટિવ આવ્યા હતા અને 9245 દર્દીઓ સાજા થઈ પોતાના ઘરે પરત ફર્યા હતા. જયારે 16 લોકોના મોત પણ થયા હતા. જયારે સુરતમાં ગત 2124 અને અમદાવાદમાં 8627 કેસ નોંધાયા હતા. તો બીજી બાજુ 50થી વધુ બાળકો સંક્રમિત થયા હતા. આ બાળકો 10 થી 15 વર્ષની વચ્ચેના છે. બાળકો હોમ આઇસોલેશનમાં છે અને આરોગ્ય ટીમ દ્વારા કીટ પણ આપવામાં આવે છે.

Your email address will not be published.