જાસૂસી માટેના બ્રહ્માસ્ત્ર પેગસિસ વિશે જાણો

| Updated: July 18, 2021 10:39 pm

પેગસિસ એ ઇઝરાઇલી કંપની એનએસઓ દ્વારા ડેવલોપ કરવામાં આવેલું સ્પાયવેર છે. વિશ્વભરમાં કેટલીક સરકારો અમુક લોકોની જાસૂસી કરવા માટે આ સ્પાયવેરનો ઉપયોગ કરે છે. પિગેસસનો ઉપયોગ સ્માર્ટફોનને હેક કરી વોટ્સએપ ચેટ્સની વિગતો મેળવવા થાય છે.

પેગસિસ એ સ્પાયવેર છે જે iOS , એપલ મોબાઇલ ઓપરેટિંગ સિસ્ટમ, તેમજ એન્ડ્રોઇડથી ચાલતા  ઉપકરણો પર ઇન્સ્ટોલ કરી શકાય છે. તેનો વિકાસ ઇઝરાઇલી સાયબર આર્મ્સ કંપની એનએસઓ ગ્રુપ દ્વારા કરવામાં આવ્યો હતો.

માનવાધિકાર સાથે જોડાયેલી વ્યક્તિના આઇફોન પર તેને સ્થાપિત કરવાના નિષ્ફળ પ્રયાસ પછી ઓગસ્ટ 2016માં તે પ્રથમવાર ચર્ચામાં આવ્યું હતું. તે પછીની તપાસમાં સ્પાયવેર, તેની ક્ષમતાઓ અને સુરક્ષા નબળાઈઓ વિશેની વિગતો બહાર આવી.

પેગસિસ ટેક્સ્ટ સંદેશા, કોલ ટ્રેસિંગ, પાસવર્ડ્સ એકત્રિત કરવા, મોબાઇલ ફોન ટ્રેકિંગ, ઉપકરણના માઇક્રોફોન અને વિડિઓ કેમેરા પર નજર રાખવાની સાથે અન્ય એપ્લિકેશન્સમાંથી માહિતી એકત્રિત કરવા માટે સક્ષમ છે.

ખામીઓને ઠીક કરવા માટે એપલે તેના આઇઓએસ સોફ્ટવેરનું 9.3.5 સંસ્કરણ બહાર પાડ્યું હતું.  સ્પાયવેરના સમાચારોએ મીડિયામાં નોંધપાત્ર કવરેજ મેળવ્યું. તેને અત્યાર સુધીનો “સૌથી વધુ આધુનિક સ્માર્ટફોન એટેક કહેવાયો હતો અને આઇફોન ઇતિહાસમાં પહેલીવાર તેનું રિમોટ જેલબ્રેક મળી આવ્યું હતું

સ્પાયવેર બનાવનાર એનએસઓ કંપનીએ જણાવ્યું હતું કે તેઓ “આતંક અને ગુના સામે લડવામાં મદદ કરે તેવી તકનીકવાળી સ્પાયવેર સરકારોને  પૂરી પાડે છે.”

જો કે, હવે આજે રાત્રે એક મોટો પર્દાફાશ થવા જઇ રહ્યો છે કે કેવી રીતે પેગસિસનો ઉપયોગ ચાર ખંડોના 20 દેશોમાં કરવામાં આવ્યો છે, જે લોકોની જાસૂસી કરે છે. ભારતને આ સૂચિમાં સામેલ કરવામાં આવ્યું છે.

ભારતમાં કહેવાય છે કે સરકારે 1488થી વધારે લોકો પર પેગસિસનો ઉપયોગ કર્યો છે. તેમાં સુપ્રીમ કોર્ટના ન્યાયાધીશો, વિપક્ષ, સાથી પક્ષો, ઉચ્ચ અધિકારીઓ, પત્રકારો, ઉદ્યોગપતિઓ, માનવ અધિકાર અધિકારીઓ અને તેમના પોતાના પ્રધાનોનો સમાવેશ થાય છે.

ભારતે 2018ના અંતમાં અથવા 2019ની શરૂઆતમાં પેગસિસ ખરીદ્યું હતું. આ ઇઝરાયલ નિર્મિત સોફ્ટવેર છે. ઓક્ટોબર 2019માં વોટ્સએપે કહ્યું હતું કે તે એનએસઓ ગ્રુપ નામની એક ઇઝરાઇલી સર્વેલન્સ ફર્મ પર દાવો કરી રહી છે, જેણે પિગેસસ માટેની ટેકનોલોજી વિકસાવી છે. જાસૂસો દ્વારા  આસપાસના આશરે 1,400 વપરાશકર્તાઓના ફોન હેક કરવા માટે ઉપયોગમાં લેવામાં આવ્યો હતો. “

સૌપ્રથમ વોટ્સએપે પિગેસસ સામે અવાજ ઉઠાવ્યો હતો. વોટ્સએપે સ્પષ્ટપણે કહ્યું હતું કે તેણે ઘણા ભારતીય વપરાશકર્તાઓનો સંપર્ક કર્યો હતો જેમને તેઓ માનતા હતા કે પેગસિસ દ્વારા ગેરકાયદેસર જાસૂસી લક્ષ્યાંક બનાવવામાં આવ્યા છે. ચેતવણી પામેલા વ્યક્તિઓમાં પ્રિયંકા ગાંધીનો સમાવેશ થાય છે. તેમ છતાં, વોટ્સએપ્પ દ્વારા પિગેસસના ઉપયોગ વિશે સંભવિત સમર્થન એનએસઓ ગ્રૂપ પર દાવો કરવામાં આવ્યા પછી મળ્યું હતુ. પેગસિસના લાંબા સમયથી ઉપયોગ અંગે 2019માં પ્રથમ વખત જાણ થઈ હતી.

Your email address will not be published. Required fields are marked *