જાણો ક્વોલિફાયર 1માં કઈ ટીમ સામે થઈ શકે છે ગુજરાત ટાઇટન્સની ટક્કર

| Updated: May 17, 2022 4:45 pm

હાર્દિક પંડ્યાની આગેવાની હેઠળની ટીમ ગુજરાત ટાઇટન્સ 24 મેના રોજ કોલકાતામાં સિઝનનો પ્રથમ ક્વોલિફાયર (Qualifier) રમશે. ગુજરાત ટાઇટન્સ IPL 2022 પ્લેઓફ માટે ક્વોલિફાય થનારી પ્રથમ ટીમ છે, તેણે 13 મેચો માંથી 10 મેચોમાં  જીત હાંસલ કરી પોઈન્ટ ટેબલમાં ટોચનું સ્થાન મજબૂત કર્યું છે.

ક્વોલિફાયર 1 (Qualifier) માં ગુજરાતનો પ્રતિસ્પર્ધી હજુ નક્કી થયો નથી, 17 મે સુધીમાં રાજસ્થાન રોયલ્સ,લખનૌ સુપર જાયન્ટ્સ અને દિલ્હી કપિટલ્સ આ ત્રણ ટીમો બીજા સ્થાન માટે સંઘર્ષ કરી રહી છે.

રાજસ્થાન રોયલ્સ:

સંજુ સેમસનની આગેવાની હેઠળની ટીમે સ્પર્ધામાં અત્યાર સુધીમાં 13 મેચ રમી છે અને તેમાંથી આઠ મેચ જીતી છે. રાજસ્થાનના 16 પોઈન્ટ છે અને તેમનો વર્તમાન નેટ રન રેટ +0.304 છે, જો રાજસ્થાન ચેન્નાઈ સુપર કિંગ્સ સામે તેની છેલ્લી લીગ સ્ટેજની મેચ જીતે તો ક્વોલિફાયર 1માં તેનો સામનો ગુજરાત સામે થશે.

લખનૌ સુપર જાયન્ટ્સ:

કેએલ રાહુલની આગેવાની હેઠળની ટીમના  13 મેચમાં 8 જીત સાથે 16 પોઈન્ટ છે. તેમનો વર્તમાન નેટ રન રેટ +0.262 છે. જો લખનૌ કોલકાતા નાઈટ રાઈડર્સ સામેની તેમની છેલ્લી મેચ મોટા માર્જિનથી જીતે અને નેટ રન રેટ સુધરશે, તો તેઓ ક્વોલિફાયર 1માં ગુજરાતનો સામનો કરશે. જો કે, આવું કરવા માટે, રાજસ્થાને કાં તો તેની અંતિમ મેચ હારી જવી પડશે અથવા જીતવી પડશે.

દિલ્હી કપિટલ્સ:

દિલ્હી કેપિટલ્સ હાલમાં પોઈન્ટ ટેબલમાં ચોથા ક્રમે છે, તેની પાસે પ્લેઓફમાં પ્રવેશવાની નક્કર તક છે. ઋષભ પંતની આગેવાની હેઠળની ટીમે 13 મેચમાં સાત જીત અને 14 પોઈન્ટ્સ મેળવ્યા છે. તેમનો નેટ રન રેટ +0.255 છે. બીજા સ્થાને રહેવા માટે, દિલ્હીને લખનૌ અને રાજસ્થાન બંનેને તેમની અંતિમ મેચમાં મોટા માર્જિનથી હારવાની અને 16 પોઈન્ટ સાથે સમાપ્ત કરવા માટે તેમની છેલ્લી મેચ જીતવાની જરૂર પડશે.

રોયલ ચેલેન્જર્સ બેંગ્લોરના પણ 14 પોઈન્ટ છે, પરંતુ તેમના માટે પોઈન્ટ ટેબલમાં બીજા સ્થાને પહોંચવું લગભગ અશક્ય છે. જો કે, ફાફ ડુ પ્લેસિસની આગેવાની હેઠળની ટીમ હજુ પણ પ્લેઓફમાં પ્રવેશ કરી શકે છે જો દિલ્હી કેપિટલ્સ તેની છેલ્લી મેચ મુંબઈ ઈન્ડિયન્સ સામે હારી જશે.

આ પણ વાંચો: ભારત થોમસ કપમાં ચેમ્પિયનઃ બેડમિંટન પાવરહાઉસ ઇન્ડોનેશિયાને 3-0થી હરાવ્યું

Your email address will not be published.