એક્સ-બોયફ્રેન્ડે ફેસબૂક પર પ્રાઈવેટ ફોટા અપલોડ કરતા કોલેજિયન યુવતીની કેવી હાલત થઈ?

| Updated: July 9, 2021 2:36 pm

તમે કોલેજિયન યુવતી હોવ અને પ્રેમ સંબંધમાં હમણાં જ તિરાડ પડી હોય તો સાવધાન રહેવું જરૂરી છે. તમારો એક્સ-બોયફ્રેન્ડ તમારી અંગત પળોના ફોટા કોઈ સોશિયલ મીડિયા પર અપલોડ ન કરે તેની કાળજી રાખો. બનાવટી સોશિયલ મીડિયા એકાઉન્ટ પર પ્રાઈવેટ પિક્ચર અપલોડ કરીને યુવતીઓને પરેશાન કરવામાં આવી હોય તેવા કિસ્સામાં વધારો થયો છે.
અમદાવાદમાં કોલેજના બીજા વર્ષમાં ભણતી 19 વર્ષીય યુવતી સાથે આવી જ ઘટના બની છે. યુવતી આ માનસિક આઘાત સહન ન કરી શકી અને તેણે 8 જુલાઈએ નારોલ પોલીસ સ્ટેશનમાં ફરિયાદ નોંધાવી હતી. નારોલ પોલીસ સ્ટેશનના ઇન્સ્પેક્ટર એસ. એ. ગોહિલે કહ્યું કે એફઆઈઆરના આધારે 24 વર્ષીય યુવાનને પકડીને કોવિડ19 ટેસ્ટ માટે મોકલી આપવામાં આવ્યો છે. ત્યાર બાદ તેની ધરપકડ કરવામાં આવશે.
એફઆઇઆરમાં જણાવાયા પ્રમાણે છેલ્લા એક વર્ષથી યુવતી આ અનુભવમાંથી પસાર થઈ રહી હતી. યુવતીના પિતા એક ફેક્ટરી ચલાવે છે. શાળામાં ભણ્યા પછી તેણે પ્રતિષ્ઠિત કોલેજમાં અભ્યાસ કરવાના સ્વપ્ન જોયા હતા.
પોલીસે કહ્યું કે સેકન્ડ વર્ષ દરમિયાન યુવતી એક યુવકના સંપર્કમાં આવી. તેઓ નિયમિત ફોન કોલ અને ચેટ કરવા લાગ્યા. તેઓ જ્યારે મળતા ત્યારે યુવાન તેમની બંનેની તસવીરો પાડતો હતો.
ત્યાર પછી સંબંધોમાં તિરાડ પડી અને તેમણે એકબીજા સાથે વાત કરવાનું બંધ કરી દીધું. જૂન 2020માં છોકરીના પિતાને પોતાના ફેસબૂક એકાઉન્ટ પર તેમની દીકરીના બનાવટી ફેસબૂક એકાઉન્ટ પરથી મેસેજ મળ્યો. તેમાં તેના પ્રાઈવેટ ફોટા અપલોડ કરાયેલા હતા. પિતાએ જ્યારે પુત્રીને આ વિશે પૂછ્યું ત્યારે તેણે પોતાના જૂના સંબંધો વિશે ખુલાસો કરવો પડ્યો હતો.
ત્યાર પછી છોકરી અને તેના પિતા યુવાનને મળ્યા અને ફોટા દૂર કરવા માટે વિનંતી કરી. યુવાન સહમત થયો અને તેની તસવીરો દૂર કરી હતી. પરંતુ જૂન 2021માં છોકરી માટે ફરી સમસ્યા શરૂ થઈ. તેના નામે બીજું એક એકાઉન્ટ રચવામાં આવ્યું અને તેના પરથી યુવતીના પિતાને ફરીથી કેટલીક અંગત તસવીરો મોકલવામાં આવી હતી. ત્યારે યુવતીને સમજાયું કે તે ફસાઈ ગઈ છે અને તેણે સાઈબર ક્રાઈમ પોર્ટલ પર ફરિયાદ દાખલ કરી હતી.

Your email address will not be published. Required fields are marked *