કોરોનાને કારણે આ સિઝનમાં પણ ભારતીય લગ્નો ધૂમધામથી નહીં થાય

| Updated: January 14, 2022 2:03 pm

કોરોનાના વધતા જતા કેસોને કારણે લગ્નની શુભ મોસમમાં મોટા મોટા ભારતીય લગ્નો પર રોક લગાવવામાં આવી છે. જોકે, યુગલોએ પવિત્ર લગ્નમાં પ્રવેશવાનું નક્કી કર્યું છે, ભલે ધામધૂમથી નહિ પરંતુ ઓછા લોકો વચ્ચે પણ તેઓએ લગ્ન કરવાનું નક્કી કર્યું છે.

ધ્રુવિલ અને શૈલી

શૈલી અને ધ્રુવિલનો જ કેસ લઇ લો. 22 જાન્યુઆરીના રોજ તેઓ લગ્નમાં બંધાવા માટે તૈયાર છે, શૈલીએ, VoI સાથે વાત કરતી વખતે કહ્યું: “કોવિડના ધોરણોને જોતાં અમારે મોટું સ્થળ રદ કરવું પડ્યું અને નાનું સ્થળ પસંદ કરવું પડ્યું. બધાને આમંત્રણો મોકલવામાં આવ્યા હતા. અમારે લોકોને વર્ચ્યુઅલ લિંક સાથે જોડાવા માટે કૉલ અથવા મેસેજ કરવો પડ્યો હતો. આ દંપતીએ તે જ દિવસે તેમના પરિવાર અને નજીકના લોકોની હાજરીમાં સોસાયટીના પરિસરમાં લગ્ન કરવાનું નક્કી કર્યું છે.

આદિત્ય શર્મા અને રિદ્ધિ વ્યાસ

રિદ્ધિ વ્યાસ અને આદિત્ય શર્મા માટે 24 જાન્યુઆરીનો મોટો દિવસ છે. તેઓએ અમદાવાદથી લગભગ 40 કિમી દૂરનું સ્થળ લગ્ન માટે પસંદ કર્યું છે. જોકે દુલ્હને કહ્યું કે “અમે નક્કી નથી કર્યું કે અમારે બધી વ્યવસ્થાઓ રદ કરવી જોઈએ કે નહિ. હાલમાં અમે 150 લોકોને આમંત્રિત કર્યા છે છે અને તેમને પ્રવેશ પર માસ્ક અને સેનિટાઇઝર આપવામાં આવશે. અમે આશા રાખીએ છીએ કે અમારા લગ્ન આ જ સ્થળે થાય, ”કન્યાએ શેર કર્યું.

નિધિ ચોક્સી અને અક્ષત પરીખ

તેવી જ રીતે નિધિ ચોક્સી અને અક્ષત પરીખ જેઓ ગયા વર્ષે 7 માર્ચથી પતિ-પત્ની છે. “અમે 20 જાન્યુઆરીએ એક વિશાળ સામાજિક સ્વાગતનું આયોજન કર્યું હતું કારણ કે ઘણા બધા લોકો હાજરી આપી શક્યા ન હતા. લાગે છે, આ વખતે પણ, તે એક માત્ર નજીકનો મેળાવડો હશે,” તેઓએ નિસાસો નાખતા કહ્યું હતું.

Your email address will not be published.