BREAKING: આદિવાસીઓના વિરોધની અસર, તાપી પાર નર્મદા લિંક પ્રોજેક્ટ રદ, CMની સત્તાવાર જાહેરાત

| Updated: May 21, 2022 4:32 pm

તાપી પાર નર્મદા લિંક પ્રોજક્ટને હાલ રદ્ કરવામાં આવ્યો છે. આદિવાસીઓના ભારે વિરોધને પગલે સરકારે પીછેહઠ કરી છે. આ યોજના રદ્દ કરવાની સરકારે આજે સત્તાવાર જાહેરાત કરી છે. સુરતથી CM ભૂપેન્દ્ર પટેલ જાહેરાત કરી છે. મહત્વનું છે કે અગાઉ તાપી પાર નર્મદા લિંક પ્રોજેક્ટને 28 માર્ચના રોજ સ્થગિત કરાયો હતો.

પાર-તાપી-નર્મદા રિવર લિંક પ્રોજેક્ટને લઈ આજે સીએમ ભૂપેન્દ્ર પટેલે સત્તાવાર જાહેરાત કરી છે. તેઓએ આ યોજના રદ્દ કરવા માટે જાહેરાત કરી છે. આ પ્રોજેક્ટને લઈ મામલે આદિવાસી સમાજમાં ભારે રોષ જોવા મળી રહ્યો હતો. આ રોષને પામી સરકારના મંત્રીઓ સહિત આગેવાનો 28 માર્ચે આદિવાસીઓ સાથે બેઠક કરવા માટે વલસાડ પહોંચ્યા હતા. જ્યાં તેમણે ડેમ હટાવો સમિતિના પ્રમુખ અને ઉપપ્રમુખ સાથે વાતચીત કરી હતી.

આ વાતચીત બાદ રાજ્ય સરકાર દ્વારા હાલ કોઇ પણ આદિવાસીઓને વિસ્થાપિત નહીં કરવાની સહકાર તરફથી મંત્રીઓએ માહિતી આપી હતી. ગુજરાત ભાજપના આદિવાસી નેતાઓ રિવર લિંક પ્રોજેક્ટ માટે ગૃહમંત્રી અમિત શાહ અને નાણામંત્રી નિર્મલા સીતારમણને રજૂઆત કરવા માટે દિલ્હી પહોંચ્યા હતા. સરકારના મંત્રીઓ અને ધારાસભ્યો પ્રતિનિધિમંડળ દિલ્હી જઈ અને આ મુદ્દે આદિવાસી સમાજની લાગણી કેન્દ્ર સરકાર સમક્ષ મુકવામાં આવી હતી. ત્યારબાદ કેન્દ્ર સરકારે આ પ્રોજેક્ટને સ્થગિત કરી દીધો હતો.

નોંધનીય છે કે, આદિવાસી વિસ્તારના ભાજપના ધારાસભ્ય-સાંસદો નાણામંત્રી નિર્મલા સીતારમણ, કેન્દ્રીય ગૃહમંત્રી અમિત શાહ અને કેન્દ્રીય સિંચાઈ મંત્રી સાથે મુલાકાત કરી હતી. જેમાં નર્મદા-પાર-તાપી લિંક યોજના રોકવાની રજૂઆત કરવામાં આવી હતી. ત્યારે નેતાઓની રજૂઆત બાદ નર્મદા-પાર-તાપી રિવર લિંક યોજના ગુજરાત માટે સ્થગિત કરી દેવાઈ હતી.

Your email address will not be published.